Abli na ang rehistrasyon alang sa 1st Governor’s Zero Hunger Run 2026 nga pangulohan ni Gov. Pam Baricuatro. Ang registration nagsugod kagahapon Hunyo 3 ug molungtad hangtod Hulyo 2, 2026. Kini nga kalihukan bukas sa tanang modagan sa tibuok Cebu Province.
Ang maong fun run gimugna aron ipasiugda ang kahimsog pinaagi sa pagdagan, pagdani og turista, ug pagtabang sa mga kabos nga pamilya. Ang aktibidad gi-organisar sa Cebu Provincial Sports Commission ug adunay dakong tumong nga mawagtang ang kagutom sa probinsya.
Ang tanang makolekta nga bayad sa rehistrasyon ihatag direkta sa feeding programs para sa mga kabataang Cebuano. Pasabot niini, kada salapi nga mabayad sa mga moapil makatabang sa pagpakaon sa mga batang nagkinahanglan.
Adunay lima ka kategorya sa pagdagan: 21KM, 12KM, 6KM, 3KM, ug 1KM. Ang presyo magdepende sa distansya ug adunay mga apil nga race kit sama sa singlet, medalya, race bib nga adunay timing chip, pagkaon human sa dagan, ug uban pang freebies.
Ang 1st Governor’s Zero Hunger Run 2026 usa ka dako nga panawagan sa pagtinabangay sa katawhan sa Cebu. Gidasig ang tanan nga moapil pinaagi sa opisyal nga rehistrasyon link o Facebook page sa maong event aron makatabang sa pagbatok sa kagutom sa probinsya.
📸 Cebu Province PIO
I via Renante Socia Lada