Napahimuslan na sa Siocon District Jail ang nagkalain-laing imprastraktura ug beautification projects nga nagtumong sa pagpalambo sa seguridad, kahapsay ug kinatibuk-ang kahimtang sa pasilidad.
Lakip sa nahuman nga mga proyekto ang Visitor Waiting Area ug Bleachers nga maghatag og mas komportable ug organisadong lugar alang sa mga bisita, ingon man ang landscaping project nga adunay ornamental plants ug mga bulak aron mapanindot ang palibot sa jail facility.
Padayon usab ang concreting project tali sa primary ug secondary security gates nga gilauman makatabang sa mas luwas, limpyo ug sayon nga paglihok sulod sa pasilidad sa higayon nga mahuman kini.
Sumala sa administrasyon sa Siocon District Jail ubos ni Acting Jail Warden JCINSP Achmed Aziz A. Pia, ang mga proyekto kabahin sa ilang paningkamot nga makahimo og mas luwas, organisado ug maayong palibot alang sa mga personnel, stakeholders ug persons deprived of liberty o PDL.(JENIFFER JR. DELICA)
Source: Siocon District Jail- BJMPR9