Sugdan na ang dugay nang gihulat nga rehabilitasyon sa Talisay–Sinonoc–Napo Road sa Dakbayan sa Dapitan nga adunay gibanabanang pondo nga P80 milyon.
Gipahibalo ni 1st District Congressman Roberto “Pinpin” Uy Jr. ang maong proyekto atol sa pagsaulog sa ika-63 Charter Day sa siyudad niadtong Hunyo 22.
Gilauman nga mas mapaluwas ug mapasayon ang biyahe sa mga motorista ug residente sa maong mga barangay pinaagi sa pagpalapad ug pagpaayo sa dalan nga dugay nang giatubang og problema tungod sa kahuot ug pagkadaot sa pipila ka bahin niini.
Kabahin ang proyekto sa padayon nga programa sa imprastraktura sa Dakbayan sa Dapitan aron mapalambo ang konektibidad sa mga komunidad ug mapadali ang paglihok sa mga tawo, serbisyo ug panginabuhian.(JENIFFER JR. DELICA)
Source: Dapitan City Government