Mokabat sa 112 ka mga baboy nga gikatahong kontaminado sa African Swine Fever (ASF) ang gilubong kini didto sa Sub-Office sa Department of Agriculture sa Barangay Siare, lungsod sa Sindangan sakop ning probinsya sa Zamboanga del Norte kaniadtong nakalabay’ng adlaw.
Base sa taho sa Sindangan MPS ni PLt Marvic L Mapacpac human mi-koordinar ang lokal nga buhatan sa panguma sa maong lungsod diin ang 112 ka mga baboy gisuspetsahan nga kontaminado sa ASF nga gideklarar sa Department of Agriculture Region 9.
Sumala pa nga ang maong mga baboy nagagikan sa nagkadaiyang mga baboyan sa nasangpit nga lungsod diin ang shipper o nagdala giila nga usa ka Rico Calis kinsa ang minagkon sa mga personahe sa DA nga mipalit siya’g nga baboy sa lungsod sa Tita, Zamboanga Sibugay.
Nasayran nga ang maong probinsiya adunay daghang mga dapit nga apektado sa African Swine Fever lakip na ang Lungsod sa Titay.
Apan lakip na ang nagbaton sa ASF certificate nga mao ang Paitan Farms sa Sindangan ang nataptan tungod sa kontaminasyon sanglit nag-usa sa usa ka sakyanan nga gidakop mismo ni Mr. Cedenio Radon-Regional Director sa Department of Agriculture (DA), Regional Office 9.
Ang paglubong gisaksihan ni sa mga barangay opisyales, mga personahe sa Bureau of Animal Industry Region 9, mga personahe sa Department of Agriculture, Municipal Agriculture, ug Shipper/Facilitator.
(Source: City Information Division-Dapitan City)