Naghiusa ang mga Local Chief Executives ug mga representante sa nagkalain-laing national line agencies sa 3rd District sa Zamboanga del Norte sa usa ka convergence ug coordination meeting nga gipahigayon sa lungsod sa Liloy.
Gidumala sa lokal nga panggamhanan sa Liloy ubos ni Mayor Roberto Lim Uy Jr. ang maong tigom nga gitambongan sa mga representante gikan sa Commission on Higher Education, National Irrigation Administration, Department of Health, Mindanao Development Authority, Department of Agriculture, ug Department of Tourism Region IX, kauban ang mga miyembro sa Sangguniang Panlalawigan nga sila Venus A. Uy ug Leo Nicanor B. Mejorada.
Gihimo ang kalihokan pinaagi sa inisyatiba ni Congressman Ian Amatong aron mapalig-on ang panagtambayayong sa mga national agencies ug lokal nga lider alang sa pagpauswag sa mga programa ug proyekto sa distrito.(JENIFFER JR. DELICA)
Source: Municipality of Liloy