Nagturnover og mga fire extinguisher ang Bureau of Fire Protection Zamboanga del Norte ngadto sa faculty ug staff sa Upper Gumay Elementary School sa Piñan niadtong Marso 11 aron mapalig-on ang kahandaan batok sunog sa eskwelahan.
Gipangunahan ni FSUPT Richard C. Timosa, Acting Provincial Fire Marshal, ang maong kalihokan isip kabahin sa kampanya sa BFP sa paghatag og mga kagamitan nga magamit sa unang responde batok sa sunog.
Gihatagan usab og refresher orientation ang mga magtutudlo ug personnel sa hustong paggamit sa fire extinguisher pinaagi sa T.P.A.S.S. method aron malikayan ang posibleng emerhensiya sa eskwelahan.(JENIFFER JR. DELICA)
Source: BFP R9 Zamboanga del Norte Provincial Office