Gipanghatag sa lokal nga kagamhanan sa Piñan, Zamboanga del Norte ang medical supplies ug health commodities ngadto sa nagkalain-laing barangay pinaagi sa Goods Donation Program – Barangay Distribution nga gipahigayon niadtong Marso 6 sa Piñan Municipal Gymnasium aron mapalambo ang serbisyo sa panglawas sa komunidad.
Ang maong donasyon gipahimuslan sa 22 ka barangay sa lungsod lakip ang Adante, Bacuyong, Bagong Silang, Calican, Del Pilar, Desin, Dilawa, Dionum, Lapu-Lapu, Lower Gumay, Luzvilla, Santa Fe, Segabe, Sikitan, Silano, Teresita, Tinaytayan, Ubay, Upper Gumay, Villarico, Poblacion North ug Poblacion South.
Sumala sa LGU, kabahin kini sa padayon nga paningkamot aron masiguro nga adunay igo nga suplay sa panglawas ang matag barangay ug mas mapalig-on ang serbisyong medikal sa komunidad.
Gipasalamatan usab sa LGU si Benedicto ‘Joboy’ Cainta II ug iyang asawa nga si Celebrity Cainta tungod sa ilang paningkamot sa pagtabang ug pagpalig-on sa koordinasyon sa mga partner organizations aron mahimo ang maong donasyon alang sa katawhan sa lungsod.(JENIFFER JR. DELICA)
Source: Mayor Rommel Gudmalin