Nagpahigayon og medical mission ang mga personnel sa Dipolog City Police Station uban sa Salaam Police Advocacy Group (SPAG) Dipolog City Chapter didto sa Igot Mosque sa Barangay Turno, Dipolog City aron makahatag og medikal nga serbisyo ug mapalig-on ang panagtambayayong sa komunidad.
Gipangunahan ni PSSg Hazel B. Aisal, IORC In-Charge, ug ni Abdulla Bael, presidente sa SPAG Dipolog City Chapter, ang maong kalihokan nga gipasiugdahan pinaagi sa suod nga kooperasyon tali sa kapolisan ug sa Muslim community sa dakbayan.
Tumong sa medical mission nga mahatagan og medikal nga tabang ang mga residente samtang gipalambo usab ang pagsinabtanay, pagsalig ug kooperasyon tali sa mga miyembro sa komunidad ug sa mga law enforcement authorities.
Sumala sa mga organisador, ang maong inisyatiba kabahin sa padayong paningkamot sa pagpalig-on sa relasyon sa komunidad ug sa paghatag og serbisyo nga makatampo sa kaayohan ug kahimsog sa katawhan.(JENIFFER JR. DELICA)
Source: PNP Dipolog City Police Station