Gipatuman sa City Disaster Risk Reduction and Management Office (CDRRMO) Dapitan ang paspas nga safety assessment ug hugot nga monitoring sa nagkalain-laing eskwelahan sa siyudad niadtong Hunyo 8 aron masiguro nga luwas ang mga estudyante ug mga magtutudlo human sa miaging linog.
Gisusi sa mga personnel sa CDRRMO ang kahimtang sa mga classroom, school buildings ug uban pang pasilidad aron masuta kon adunay mga kadaot nga mahimong makahatag og peligro sa pagsugod sa regular nga klase.
Gihimo ang maong lakang isip kabahin sa pagtubag sa lokal nga panggamhanan aron maseguro nga lig-on ug haum pa gamiton ang mga imprastruktura sa eskwelahan sa wala pa tugotan ang normal nga operasyon niini.
Giawhag usab sa CDRRMO ang publiko nga magpabiling kalmado, mabinantayon ug makigtambayayong sa mga safety inspectors samtang nagpadayon ang monitoring ug assessment sa nagkalain-laing bahin sa siyudad.(JENIFFER JR. DELICA)
Source: City Information Division-Dapitan