Nagpadayon ang LDRRMO Tampilisan ug Municipal Engineering Office sa pagmonitor ug structural assessment sa mga eskwelahan ug mga building sa lokal nga panggamhanan human sa magnitude 7.8 nga linog nga mibati sa nagkalain-laing lugar.
Gisusi sa mga otoridad ang kahimtang sa Tampilisan National High School, Tampilisan Central School ug ubang pasilidad sa LGU aron masiguro ang kaluwasan sa mga estudyante, empleyado ug residente.
Sumala sa inisyal nga pagtimbang-timbang, wala pay natala nga kadaot sa mga imprastraktura o mga kaswalti nga nalambigit sa maong linog sa lungsod.
Padayon ang pagmonitor sa mga otoridad samtang giawhag ang publiko nga magpabiling alerto ug mosunod sa mga safety advisories aron malikayan ang posibleng risgo gikan sa mga aftershock.(JENIFFER JR. DELICA)
Source: LDRRMO Tampilisan