Nagtigom ang mga media practitioners gikan sa nagkalain-laing lalawigan sa Zamboanga Peninsula atol sa “1st IGSOON Media Engagement Forum” nga gipahigayon sa headquarters sa 102nd Infantry “IGSOON” Brigade niadtong Mayo 29, 2026.
Gipangulohan ni Brigadier General Samuel G. Yunque ang maong forum aron mapalig-on ang koordinasyon ug panagtambayayong tali sa military ug media ilabina sa responsableng pagpakaylap sa impormasyon ug pagbatok sa fake news ug misinformation sa komunidad.
Gihisgutan usab atol sa kalihokan ang ethical media broadcasting, fact-checking, ug ang papel sa media sa pagmintinar sa kalinaw ug seguridad pinaagi sa tukma ug beripikadong balita alang sa publiko.
Mipahayag si BGen Yunque nga dako ang nahimong papel sa panaghiusa sa Armed Forces, local government units, media ug uban pang sektor sa paghuman sa insurhensiya sa rehiyon samtang iyang giawhag ang padayong kooperasyon alang sa kalinaw ug kalamboan sa komunidad.(JENIFFER JR. DELICA)
Source: Zamboanga del Norte Provincial News Network