Malampusong gipahigayon sa Local Disaster Risk Reduction and Management Office o LDRRMO sa Tampilisan ang ika-tulo ug katapusang batch sa 3-Day Rapid Damage Assessment and Needs Analysis o RDANA Training alang sa mga miyembro sa Barangay Disaster Risk Reduction and Management Council niadtong Mayo 25 hangtud 27, 2026.
Gitambongan ang maong pagbansay sa mga representante gikan sa Barangays Molos, Camul, New Barili, Znac, Poblacion, Sto. Niño, ug Malila-T nga gipahigayon sa Municipal Training Center.
Gipangulohan ni LDRRMO V Richard T. Loredo uban sa mga personnel sa LDRRMO ug RDANA instructors ang maong kalihokan aron mapalambo ang kahibalo ug praktikal nga abilidad sa mga partisipante sa disaster assessment ug emergency response.
Lakip sa mitambong ang mga barangay captains, BDRRM officers, secretaries, BNS, BHW, ug chief tanods nga aktibong miapil aron mapalig-on pa ang kahandam, koordinasyon, ug kalig-on sa mga komunidad batok sa kalamidad.(JENIFFER JR. DELICA)
Source: LDRRMO Tampilisan