Mitubag dayon ang Shift B EMS Duty Personnel sa Liloy Municipal Fire Station sa usa ka disgrasya sa sakyanan nga nahitabo sa Brgy. Ganase, Liloy, Zamboanga del Norte niadtong Mayo 29, 2026 ubos sa pagpangulo ni FINSP Dave C. Dela Cruz, Acting Municipal Fire Marshal.
Pag-abot sa responders sa lugar, ilang nakit-an ang usa ka pasyente nga adunay panimuot ug naglingkod sa daplin sa dalan. Sa inisyal nga pagsusi, namatikdan nga nakainom og makahubog nga ilimnon ang pasyente base sa baho sa iyang gininhawa.
Naangol ang pasyente og gagmayng samad ug adunay hubag ug samad sa wala nga aping diin gihatagan dayon kini og unang tabang pinaagi sa paglimpyo sa samad ug pagbutang og limpyo nga benda.
Dayon nga gidala ang pasyente sa Liloy Integrated Health District Hospital alang sa dugang tambal ug hustong pag-atiman samtang pormal usab nga gitugyan kini sa mga medical staff nga naka-duty sa maong ospital.(JENIFFER JR. DELICA)
Source: BFP R9 Liloy Fire Station