Nagpahigayon og Pre-Disaster Risk Assessment (PDRA) Meeting ang Municipal Disaster Risk Reduction and Management Office (MDRRMO) sa Piñan, ZDN, aron mapalig-on ang pagpangandam sa lungsod batok sa epekto sa El Niño Phenomenon.
Gikonsiderar sa maong panagtigom ang mga posibleng epekto sa grabeng kainit ug kakulang sa tubig, ilabina sa panglawas, panginabuhian, ug kaluwasan sa mga residente sa komunidad.
Pinaagi sa koordinasyon sa nagkalain-laing ahensya ug sektor, gipakusgan sa lokal nga panggamhanan ang mga preventive measures ug contingency plans aron malikayan ang mas dakong epekto sa hulaw ug taas nga heat index.
Giawhag usab ang publiko nga magpadayon sa pagmatngon, magtipid sa tubig, ug makigtinabangay sa mga programa sa gobyerno alang sa mas andam ug mas luwas nga Piñan batok sa epekto sa El Niño.(JENIFFER JR. DELICA)
Source: Mayor Rommel Gudmalin