Gipadayon sa LGU Piñan ang mga lakang aron mapreserbar ang drug-cleared ug drug-free nga kahimtang sa mga barangay pinaagi sa Retention Process of Barangays with Drug-Cleared and Drug-Free Status nga gipahigayon niadtong Hunyo 9, 2026.
Gipangulohan ang maong kalihokan ni PDEA Regional Assistant Director Levi G. Valmoria kauban ang mga representante sa PDEA Provincial Office aron susihon ug masiguro ang padayon nga pagsunod sa mga barangay sa mga programa batok sa ilegal nga droga.
Mitambong usab sa proseso sila si Vice Mayor Benedicto C. Cainta II, mga Barangay Captain ug Barangay Secretary sa 22 ka barangay, ingon man ang Piñan Municipal Police Station nga gipangulohan ni PCPT. Giovanni Icalina.
Gipasiugda sa mga partisipante nga pinaagi sa hiniusang paningkamot sa lokal nga panggamhanan, kapulisan, PDEA ug mga barangay, mapadayon ang luwas, malinawon ug drug-free nga komunidad alang sa tanang lumulupyo sa Piñan.(JENIFFER JR. DELICA)
Source: Mayor Rommel Gudmalin