Nakighinabi si Dipolog City Mayor Roberto Y. Uy sa mga opisyal sa Philippine Charity Sweepstakes Office o PCSO-Zamboanga del Norte atol sa courtesy visit nga gipahigayon didto sa City Mayor’s Office niadtong Mayo 14, 2026.
Gipangulohan ang pagbisita nila PCSO Zamboanga del Norte Branch Head Jonathan A. Redillas ug Cashier III Dexter D. Romanillos diin ilang gihisgutan uban sa mayor ang plano sa pagtukod og PCSO office dinhi sa Dakbayan sa Dipolog.
Sumala sa mga opisyal, tumong sa maong lakang nga mas mapaduol sa katawhan ang serbisyo sa PCSO ilabina sa mga nanginahanglan og medical ug financial assistance sa probinsya.
Gipadayag usab sa city government ang suporta niini sa mga programa ug panagtambayayong uban sa mga national government agencies aron mapalambo pa ang serbisyo publiko alang sa mga Dipolognon.(JENIFFER JR. DELICA)
Source: Dipolog City Government