Midali pagresponde ang Emergency Medical Responders sa Bureau of Fire Protection o BFP Dipolog City Fire Station ngadto sa usa ka emergency medical incident sa Barangay Galas, Dipolog City niadtong Mayo 13, 2026.
Pag-abot sa mga responder, ilang nasuta nga conscious pa ang pasyente apan naglisod na og ginhawa samtang naghigda sa iyang higdaanan sulod sa balay. Dayon nga gihatagan og unang pag-atiman sa mga responder aron mapagaan ang kahimtang sa pasyente.
Gipahimutang sa responders ang pasyente sa komportableng posisyon ug gihatagan dayon og oxygen pinaagi sa nasal cannula aron matabangan ang iyang pagginhawa samtang padayon nga gimonitor ang iyang kondisyon.
Human sa unang pag-atiman, luwas nga gidala sa BFP responders ang pasyente ngadto sa Corazon Aquino Hospital alang sa dugang tambal ug medical management. Ang operasyon gihimo ubos sa pagpanguna ni acting City Fire Marshal FSINSP Aprilyn B. Barbas.(JENIFFER JR. DELICA)
Source: BFP R9 Dipolog City Fire Station