Napili isip guest speaker si Dipolog City Mayor Roberto Y. Uy atol sa worship service sa Fullness of Christ International Ministries niadtong Agosto 9, 2026, sa Mandaluyong City, diin iyang gipakigbahin ang mensahe nga “Preparing for the Suddenlies.”
Gibase ni Mayor Uy ang iyang mensahe sa Acts 1:14 ug Acts 2:1–2, nga nagtutok sa importansya sa espirituhanong pagkaandam, panaghiusa ug makanunayon nga pagtuo.
Atol sa iyang pagpakigbahin, gidasig ni Mayor Uy ang kongregasyon nga magpabiling andam sa mga wala damhang kahigayonan, kausaban ug panalangin nga mahimong moabot, ug atubangon kini uban ang lig-on nga pagtuo ug panaghiusa.
Nahimong kabahin ang iyang mensahe sa espirituhanong pagpangandam sa Fullness of Christ International Ministries alang sa ilang ika-40 nga Anniversary celebration sa Septyembre 2026.
Ang maong anibersaryo magdala sa tema nga “Spiritual Fruitfulness: Living in God’s Overflow and Kingdom Abundance,” nga nagtutok sa pagpalambo sa espirituhanong kinabuhi ug mas lawom nga pag-alagad.
Isip guest speaker, gihatagan ni Mayor Uy og gibug-aton ang papel sa pagkaandam ug makanunayon nga pagtuo sa pag-atubang sa mga butang nga mahimong moabot sa wala damhang panahon.(IKEN B. GULLEM)
Source: Dipolog City Government