Gipasiugda sa City Government of Dipolog, uban sa Corazon C. Aquino Hospital (CCAH) ug Department of Health (DOH), ang National Hospital Week 2026 niadtong Agosto 10 sa CCAH ning siyudad.
Gipunting sa selebrasyon ang tema nga “Juan Health for JuaNation: Makabagong Teknolohiya sa Ospital na Mapaglinga,” nga nagtutok sa paggamit sa modernong teknolohiya aron mapalambo pa ang kalidad ug episyenteng paghatag sa serbisyo panglawas.
Mitambong sa kalihokan si City Vice Mayor Senen O. Angeles, kauban sila CCAH Supervising Administrative Officer Jose Larry R. Padilla ug CCAH Chief of Hospital Dr. Jessie D. Tiu, kinsa naghatag sa ilang mga mensahe atol sa selebrasyon.
Gipasiugda sa mga opisyal ang dakong papel sa mga ospital ug healthcare workers sa paghatag og dekalidad, episyente ug matinabangong serbisyo medikal ngadto sa mga pasyente.
Gipakita usab sa kalihokan ang kahinungdanon sa pag-angay sa mga ospital sa bag-ong teknolohiya aron mas mapauswag ang pag-atiman sa mga pasyente ug ang kinatibuk-ang healthcare delivery sa komunidad.(IKEN B. GULLEM)
Source: Dipolog City Govebrment