Sa wala pa moubos sa usa ka tuig, ang lungsod sa Siocon nakapahimo og kasaysayan isip upat ka beses nga host sa Zamboanga Peninsula Regional Athletic Association-Qualifying Meet 2025, uban sa hingpit nga mga pasilidad ug amenities alang sa labing dako nga sports event sa rehiyon nga gipahigayon dinhi, Pebrero 23-27, 2025.
Si Mayor Ceasar C. Soriano, usa ka madasigon ug aktibong host sa kasaysayan sa ZPRAA 2025, naghatag ug dakong garbo sa katawhang Siocon bisan pa sa daghang hagit nga nasinatian sa Lokal nga Pangagamhanan sa pagtukod sa modernong sports facilities sulod lamang sa usa ka tuig.
Nasayran nga unta ang ZPRAA Meet 2025 gikatakda unta nga ipahigayon karong Abril 2025 apan gibalhin kini sa sayong petsa, nga naghatag lang og tulo ka bulan nga pagpangandam. Bisan pa niini, ang pagbukas sa maong kalihokan maoy usa sa labing katingalahang seremonya, nga nakapahingangha sa mga dumuduong pinaagi sa makapatandog nga pasundayag nga nagpalapad sa pagbati sa patriotismo ug gugma sa nasud. Uban sa tema nga may kalabutan sa pagmata sa isyu sa West Philippine Sea, ang kalihokan naglaum nga makapukaw sa hunahuna sa kabatan-onan kabahin sa kahinungdanon sa soberanya sa nasud.
Gipaambit usab ni Mayor Soriano ang kasinatian sa ZPRAA 2025 sa dihang ang Siocon mipresentar sa ilang bid alang sa pag-host hangtud sa pagbukas niini sa Pebrero 23, niining tuiga nga misang-at sa daghang hagit nga giatubang sa Lokal nga Pangagamhanan ug mga kauban nga institusyon. Siya usab nagpasalamat og dako sa mga organisasyon, opisina, ug mga kauban sa pagpangandam sa ZPRAA 2025 nga mahimong kabahin sa kasaysayan sa lalawigan.
Samtang si Governor Rosalina “Nanay Nene” Jalosjos, nga girepresentahan ni Hon. Sushmita Rivera Jalosjos, ABC President sa Probinsya sa Zamboanga del Norte, naghatag og mensahe sa paglaum ug inspirasyon alang sa mga atleta ug mga coaches. Pinaagi sa espiritu sa sportsmanship ug espirituwalidad sa mga magdudula, ang kinaadman sa dula mao ang panaghiusa, pagpakita sa kahusayan, ug pag-angkon sa mga damgo.
Si Mayor Soriano gidayeg pag-ayo tungod sa iyang paningkamot ug kakugi sa pagtuman sa damgo sa Siocon. Ang pag-host sa ZPRAA 2025 dili lang naghatag og kahibalo ug kasinatian, kundili usab nagpahibalo sa potensyal nga nagpaabut sa mga mahiligon sa sports kondili alang usab sa mga atleta nga nagtinguha nga matuman ang ilang mga pangandoy. (Angelica T. Obina)
(Source: Sheng Bala)