Ang bag-ong bag-ong na assigned nga Officer-in-Charge sa Dapitan City Police Station, nipadayag sa iyang mga nag-unang prayoridad sa pagpalig-on sa kaluwasan ug pagpatunhay sa kalinaw ug kahusay sa tibuok dakbayan.
Si PLTCol. Eva Joy E. Capurcos,nga maong bag-ong nilingkod isip bag-ong OIC sa han-ay sa kapulisan sa Dapitan,mihatag ug gibug-aton sa iyang mas lig-on nga pasalig ug koordinasyon sa lokal nga kagamhanan pinaagi sa pagpasiugda ug community-based crime prevention programs.
Usa ka tahas alang sa pagtukod sa luwasnong kumonidad sa Dapitan pinaagi sa pakig koordinar sa mga katawhan diin iyang padayung giawhag ang matag dapitanon, nga sa panahon nga adunay mga krimen,ang kapulisan aktibong mo suporta sa pag sumpo niini.
Matod pa PLTCol. Capurcos, nga sukad pa niadtong Enero 2025, ang kaso sa pagpangawat ang labing kasagarang krimen nga mahitabo sa dakbayan sa Dapitan.
Tungog niini,mas gipalapadan sa ilang han-ay sa kapulisan sa dakbayan ang mga lakang sa pagpugong sa samang mga insedente pinaagi sa ilang mga inisyatiba sama sa patrol operations ug public awareness campaign.
Samtang sa pikas bahin, gihingusgan karon sa mga personahe sa kapulisan sa Dapitan pinaagi gihapon sa pagpanguna ni PLTCol. Capurcos ang ligdong nga mga plano sa seguridad sama sa crowd control, emergency response, checkpoints, ug traffic rerouting alang sa nagsingabot nga kasaulogan sa Kinabayo Festival 2025, sa dakbayan sa Dapitan.
Si PLT Col Capurcos ug tanang personahe sa kapulisan, nag-awhag ngadto sa mga katawhan nga buot muduyog sa maong tinuig nga selebrasyon sa festival,nga musunod nga mo kooperar sa mga otoridad aron sa ingon niini mahimong luwasnon ang selebrasyon pinaagi sa ilang gipatuman nga safety protocols ug nipasalig pag usab sa publiko nga ang Dapitan CPS magpabiling matinud-anon, responsive ug takos ang ilang community-focused police service ubos sa iyang pamunuan.(Medalyn U. Borja)
Source: City Government of Dapitan