Gipasalig ni Roxas Mayor Ismael Rengquijo nga maayo ang flood control nga nalusno didto sa Barangay Langatian sa lungsod sa Roxas, Zamboanga del Norte.
Mao kini ang tubag sa mayor human nga nahimong isyo ang pagkahugno sa nasangpit nga proyekto tungod sa gasunod-sunod nga mga pagbaha tungod sa Low Pressure Area kon LPA.
Giklaro sa mayor nga igo pa lamang siya nga gasunod sa pagka karon sa mga bulilyasong project sa nakalabay’ng administrasyon.
Ang napost sa social media nga flood control nga nahugno dili sakop sa lungsod sa Roxas kondili sa Barangay San Antonio, Manukan.
Ang flood control sa Tangian bridge sa Barangay Langatian maoy nalusno apan kini sumala pa na-construct sa panahon ni kanhi Mayor Jan Vallecer gikan sa agriculture fund.
Hinoon nihimo na si Mayor Rengquijo ug paginsusi kalabot sa hitabo.
