Milabay ang unang 100 ka adlaw sa administrasyon ni Mayor Marissa D. Manigsaca nga puno sa kalihokan, kabag-ohan, ug kadasig alang sa katawhan sa Rizal. Sa maong panahon, gipatunayan sa alkalde ang iyang tinguha nga magdumala uban ang transparency, integridad, ug kalooy.
Gipasiugda sa iyang liderato ang pagpalambo sa lokal nga ekonomiya, matinud-anong pagdumala sa pondo, pag-andam batok sa kalamidad, pagpanalipod sa kinaiyahan, ug pagpalapad sa mga programang panlipunan sama sa edukasyon, panginabuhi, ug panglawas. Nakab-ot usab sa lungsod ang pasidungog sa CBMS Gawad Galing Lokal tungod sa epektibo ug datos-based nga pamalaod.
Matod pa ni Mayor Manigsaca, ang unang 100 ka adlaw usa ka pamatuod nga dako ang mahimong makab-ot kon ang liderato ug katawhan magtinabangay. Nagpadayon siya sa panaw aron tukuron ang usa ka malambuon, malungtarong, ug mapinanggaon nga Rizal nga maayong puluy-anan sa tanan.(JENIFFER JR. DELICA)
Source: Municipality of Rizal