Gipahigayon sa Police Regional Office 7 (PRO7) ang usa ka espesyal nga Flag Raising, Awarding Ceremony, ug Turnover of Goods sa Camp Sergio Osmeña Sr., Cebu City, karong adlawa, diin gipangpasidunggan ang mga pulis nga nagpakita og kaisug, kalooy, ug pagtinabangay sa ilang serbisyo.
Pinangulohan ni PBGEN Redrico A. Maranan, Regional Director sa PRO7, ug giapilan ni PBGEN Eduardo M. Paras, Regional Director sa Regional Internal Affairs Service 7, isip Guest of Honor and Speaker, gihatagan og pasidungog ang mga PNP personnel nga nakakab-ot ug naningkamot og kalampusan sa operasyon ug serbisyo publiko.
Gidawat ni PCOL Patricio Degay Jr., PLTCOL John Kareen Escober, ug PMSg Joel Orapa ang Medalya ng Kagalingan tungod sa ilang kalampusan sa pagdakop sa Top 2 Most Wanted Person sa Bohol nga giakusahan sa murder ug frustrated murder. Sama nga pasidungog usab ang gihatag kang PMAJ Arieza Otida ug PCpl Luis Oroc sa Minglanilla Police tungod sa ilang pagdakop sa usa ka high-value drug suspect nga nadakpan uban sa ₱6.7 milyon nga kantidad sa shabu.
Samtang, gipanghatagan usab og Medalya ng Papuri si PSSg Junrey Terana sa Tourist Police tungod sa iyang pagkabayani sa pagluwas sa usa ka mangingisda nga hapit malumos sa Tabuelan kaniadtong Marso 18, 2025.
Gipresentar usab ang Plaques of Recognition kang Mr. Nelson Yuvallos ug Mr. Eric Mendoza sa Regional Advisory Group for Police Transformation and Development (RAGPTD) tungod sa ilang tabang ug suporta sa PRO7, labi na sa ilang “Shoot for a Cause” nga kalihokan sa Lapu-Lapu City.
Sa diwa sa bayanihan, gihatagan og cash assistance nga ₱25,000 ang 19 ka PNP personnel nga nadaot ang mga balay sa 6.9 magnitude nga linog niadtong Setyembre 30, 2025. Ang maong tabang gikan sa donasyon sa PRO7, PRO12, PRO13, ug sa Lalawigan sa Bohol.
Dugang pa, ang Public Safety Savings and Loan Association, Inc. (PSSLAI) nag-turn over og 626 ka sako sa bugas (25 kilos matag usa) ug gihatagan usab si PSSg Terana og monetary reward alang sa iyang pagkabayani.
Sa iyang mensahe, si PBGEN Maranan nagpadayag sa iyang pagpasalamat ug garbo sa mga napasidunggan.
“I extend my heartfelt appreciation to our awardees whose dedication and hard work continue to bring pride to the entire PRO7 family,” segon ni PBGEN MARANAN. “Your courage in the field, your compassion for others, and your commitment to serve truly reflect the finest values of our organization.”
“Our accomplishments are made possible not only by the dedication of our personnel but also through the steadfast support of our partners,” he added. “We are deeply grateful to the RAGPTD and PSSLAI for their invaluable contributions to the welfare and morale of our police force. Together, we remain stronger, united, and ready to serve our communities with honor.”
Source: PRO7 PIO
I via Renante Socia Lada