Gipahigayon sa DILG Dipolog ang online survey isip kabahin sa research project nga “A Strategic Review and Enhancement of the Seal of Good Local Governance o SGLG.”
Gibuhat ang maong pagtuon sa pakigtambayayong sa University of the Philippines–National College of Public Administration and Governance pinaagi sa Center for Local and Regional Governance aron masusi ang kasamtangang kahimtang sa programa.
Tumong sa pagtuon ang pag-evaluate sa SGLG framework base sa kahinungdanon, implementasyon, ug epekto niini gikan 2014 hangtod 2024 sa tanang lebel sa local government units.
Pinaagi niini, gilauman nga mapalambo pa ang programa sa good governance ug mas mapalig-on ang kalidad sa serbisyo nga gihatag sa mga lokal nga panggamhanan.(JENIFFER JR. DELICA)
Source: DILG Dipolog