Nangulo si Police Brigadier General Redrico A. Maranan, Regional Director sa PRO7, sa usa ka send-off ceremony niadtong Hulyo 4, 2025, alang sa mga security personnel nga gi-deploy para sa 6th Meeting of the Board of the Fund for Responding to Loss and Damage nga ipahigayon sa syudad sa Lapu-Lapu.
Apil sa mga gi-deploy nga yunit mao ang mga sakop sa LCPO, RHPU7, RMU7, RMDU7, RPSPU7, AVESEU7, RECU7, OCD7, BFP, CTMS, ug ang Lapu-Lapu City DRRMO. Ang ilang tahas mao ang pagsiguro nga walay mahitabo nga kalit nga insidente ug nga malinawon ug luwas ang tibuok kalihokan.
Gipasiugda ni PBGEN Maranan ang kamahinungdanon sa papel sa mga security forces sa pagpanalipod sa tanang mga delegado ug sa pagpadayon sa hapsay nga dagan sa maong internasyonal nga miting.
Nagpasalig usab ang kapulisan nga andam sila motubag sa bisan unsang emerhensiya ug paningkamotan nga mapadayon ang kahapsay sa syudad atol sa kalihokan.
Source: PRO7
| via Renante Socia Lada