Nagkatigom ang mga basketball fans didto sa Capitol Grounds aron dungan nga motan-aw sa Game 5 sa serye tali sa San Antonio Spurs ug New York Knicks pinaagi sa libre nga public viewing nga gipahigayon sa lugar.
Bisan pa sa kainit sa panahon, nagpadayon ang pagdagsa sa mga residente, kabatan-onan, ug mga pamilya nga gustong masubay ang mahinungdanong duwa ug makasinati sa kahinam sa pagtan-aw uban sa kapwa nilang mga basketball enthusiasts.
Napuno sa kusog nga paghugyaw ug mga reaksyon ang venue sa matag mahinungdanong play ug puntos, nga naghimo sa Capitol Grounds nga morag usa ka dako nga arena diin nagkahiusa ang mga fans sa ilang suporta sa tagsa-tagsa nilang paboritong koponan.
Pinaagi sa LED wall nga gipahimutang sa lugar, nakatan-aw og libre ug klaro nga live coverage sa duwa ang mga nanambong, nga dugang nakapadasig sa kahinam ug panaghiusa sa komunidad.
Ang maong public viewing nahimong higayon dili lamang sa pagsubay sa duwa kondili usab sa pagkatigom sa mga residente nga adunay parehas nga gugma sa basketball, nga nagpalig-on sa espiritu sa panaghiusa ug pakig-ambitay sa komunidad.(IKEN B. GULLEM)
Source: Zamboanga del Norte Provincial News Network