Nakadawat og masustansiyang pagkaon ug mga gamit pang-eskwela ang mga kabataan sa Blessed Trinity Children in St. Filomena pinaagi sa Feeding Program ug School Supplies Giving nga gipahigayon sa Roxas Unit sa Catholic Women’s League (CWL).
Gipahigayon ang maong outreach activity uban sa mga Sister, mga miyembro sa CWL, ug Junior CWL isip kabahin sa ilang padayon nga paningkamot sa pag-abot ug pagtabang sa mga kabataan nga nanginahanglan og suporta.
Gawas sa paghatag og pagkaon, gitunol usab ngadto sa mga benepisyaryo ang mga school supplies aron makatabang sa ilang pagtuon ug maandam sila alang sa umaabot nga klasehanan.
Nagpakita ang kalihokan sa panaghiusa ug pagkamanggihatagon sa mga miyembro sa organisasyon nga nagtinabangay aron mapalambo ang kahimtang sa mga kabataan pinaagi sa edukasyonal ug nutrisyonal nga suporta.(IKEN B. GULLEM)
Source: Immaculate Conception Parish, Pres. MA Roxas