Giapod-apod sa Local Government Unit of Gutalac ug Department of Agriculture ang Presidential Assistance ngadto sa 1,410 ka mag-uuma sa Gutalac, diin matag benepisyaryo nakadawat og ₱2,325 atol sa gipahigayong payout niadtong Hulyo 8.
Gipahigayon ang maong kalihokan pinaagi sa Municipal Agriculture Office ubos sa administrasyon ni Mayor Eddie Justin T. Quimbo aron mahatagan og dugang nga pinansyal nga suporta ang mga mag-uuma ug makatabang sa ilang panginabuhi.
Gipasalamatan usab sa lokal nga panggamhanan si Congressman Ian Amatong tungod sa iyang padayon nga suporta sa programa nga nagtugot sa paghatag og direktang ayuda ngadto sa mga benepisyaryo.
Sumala sa LGU Gutalac, ang maong programa kabahin sa paningkamot sa nasyonal ug lokal nga panggamhanan sa pagpalig-on sa sektor sa agrikultura ug sa padayon nga paghatag og suporta sa mga mag-uuma sa lungsod.(IKEN B. GULLEM)
Source: LGU Gutalac -Public Information