Gipalig-on ang papel sa Barangay Agrarian Reform Committees (BARCs) gikan sa 11 ka barangay sa Sibuco, pinaagi sa orientation nga gipahigayon sa Department of Agrarian Reform (DAR) Zamboanga del Norte alang sa implementasyon sa Comprehensive Agrarian Reform Program (CARP).
Gitumong sa maong kalihokan ang pagpalawom sa kahibalo sa mga miyembro sa BARC bahin sa ilang mga katungdanan ug responsibilidad sa pagpatuman sa CARP, ingon man sa pagpalig-on sa ilang koordinasyon sa DAR ug sa mga agrarian reform beneficiaries.
Atol sa gihisgutan ang Land Tenure Security Program (LTSP), Agrarian Reform Beneficiaries Development and Sustainability Program (ARBDSP), ug ang mga legal nga aspeto sa agrarian reform aron masiguro ang hapsay ug epektibong pagpatuman sa programa sa mga barangay.
Matud pa sa DAR, ang maong inisyatiba kabahin sa padayon nga paningkamot sa ahensya sa pagpalig-on sa grassroots participation ug sa pagdasig sa mas aktibong partisipasyon sa mga komunidad sa mga programa sa agrarian reform.(IKEN B. GULLEM)
Source: DAR Zamboanga del Norte Province