Mabulokung napahigayon ang ika-128 Anibersaryo Ng Kabayanihan ni Jose Rizal, nga adunay Tema “ Rizal sa Bagong Pilipinas: Buhay at Aral Aming Nilalandas” nga gipangulohan mismo sa Mayor ning Lungsod sa Dapitan Mayor Seth “ Bulet” Jalosjos , inubanan ni Vice Mayor Alfredo C. Sy, sa alas 7:00 ning buntag,Decembre 30, 2024.
Ang maong programa gipasiugdahan una ni Mayor Bulet ang pag alay ug bulak ngadto sa Rebolto ni Dr. Jose Rizal, apil na ang ubang mga opisyales sa matag tagsa nga departamento sa lokal nga kagamhanan sa Dapitan City. Anaa usab ang mga konsehales ug si Sangguniang Kabataan Panglungsod sa Dapitan Hon. Sushmita Jalosjos diin mihatag usab ug buluwanong mensahe ngadto sa katawhan.
Si Mayor Bulet mipadangat sa iyang maanindot nga mensahe may kalabot na sa kasaulogan karong adlawa sa ika-28 nga anibersaryo sa pagka martir ni Dr.Jose Rizal sa atong nasud isip siya ang Pambansang Bayani ng Pilipinas, nga gitahan ang iyang kinabuhi para sa katawhan nga mahatagan ug kagawasan ang mga Pilipino kaniadto sa mga kamot sa Kastila.
Dugang saysay sa Mayor sa mga Dapitanons nga ang lungsod sa Dapitan garbo sa tanan nga ang maong lugar isa sa mga maka saysayanun sa kinabuhi ni Dr. Jose Rizal, diin tumong ug tinguha sa maong Bayani ang kalamboan sa lugar ug makahatag siya ug kahibalo sa mga katawhan aron mamahimong malambuon ug adunay kaalam ang mga katawhan kaniadto,diin sayud ang tanan nga gibutang siya sa Dapitan sa mga Kastila mga pipila katuig hantud napalambo niya ang Dapitan.
Dugang pa ni Mayor Bulet isip, amahan sa maong lungsod iyang ipadayun ang mga maayong tinguha ni Dr. Jose Rizal nga muasenso ug hapsay nga pagdumala. Gani masigarbuhon siyang mipahibalo sa katawhan nga ang maong dakbayan sa Dapitan ang anaa na karon sa 2nd Class Income City ubos sa iyang liderato, diin iyang gipahibalo sa tanan katawhan nga Si Jollibee Dapitan mahidangat na gayud sa maong dakbayan ug gisugdan na ang ground breaking niini karong adlawa Decembre 30,2024.
Mapasalamaton ug daku si Mayor Bulet sa kagamhanang lokal sa Dapitan sa makanunayong pagsupporta kaniya ug pagsalig.Nanghinaut ang mayor nga pinaagi sa maayong mga buhat nga gibiin ni Dr. Jose Rizal gahimo kini ug giya sa matag usa aron ipadayun ang maayong buhat para sa ikalambo sa dakbayan sa Dapitan sama sa iyang nasugdan karon para sa hayag nga kaugmaon sa Dakbayan.
Ang maong programa gilangkuban kini sa Kagamhanang Lokal,National agencies,Knights of Rizal,ug Las Damas de Rizal diin mialay kini ug mga bulak isip tribute sa Pambansang Bayani ng Pilipinas nga si Dr.Jose Rizal. (AngelicaObina)