Malampusong gilusad sa Zamboanga del Norte 2nd Provincial Mobile Force Company (ZN 2nd PMFC) ang unang adlaw sa Livelihood Training on Rag Making, kaniadtong Enero 23, 2026, alas 9:30 sa buntag, sa Barangay Cocob, munisipyo sa Gutalac.
Ang kalihukan gipasiugdahan sa RCSP Team sa yunit ubos sa pagdumala sa Force Commander nga si PLTCOL Edwin D. Verzon, ug gipangulohan sa Focal Person nga si Pat Ahmad-Khan Macam.
Tumong sa training alang sa mga miyembro sa Cocob Women’s Association isip kabahin sa paningkamot sa gobyerno sa pagpalig-on sa panginabuhian ug kalinaw sa komunidad.
Gipatuman ang programa pinaagi sa koordinasyon sa Punong Barangay Sannyboy Gato, diin mitambong isip resource person si Mrs. Joelit P. Dinapo, TESDA Specialist II, nga maoy naghatag og teknikal nga kahibalo ug praktikal nga pahimangno bahin sa paghimo og rag nga mahimong himuong tinubdan sa dugang kita.
Pinaagi niini, mas napalig-on ang kooperasyon tali sa kapulisan, lokal nga pangulohan, ug mga residente, ingon man ang suporta sa adbokasiya sa malungtarong kalamboan ilabi na sa mga lugar nga apektado sa kagubot.(IKEN B. GULLEM)
Source: Zamboanga del Norte 2nd PMFC