Moabot sa Lungsod sa Piñan ang Lingkod Pag-IBIG On Wheels aron mas mapaduol ang mga serbisyo sa Pag-IBIG Fund ngadto sa mga residente ug miyembro sa ahensya sa Hunyo 10 hangtod 11, 2026 didto sa Piñan Gymnasium.
Gitanyag sa duha ka adlaw nga serbisyo ang membership registration, employer registration, pag-update ug verification sa records, filing sa benefits claims, ug aplikasyon alang sa Short-Term Loan o STL.
Magamit usab sa mga kliyente ang Loyalty Card Plus enrollment ug mga pangutana kabahin sa housing loan, aron dili na kinahanglan mobiyahe pa gawas sa lungsod alang sa ilang mga transaksyon sa Pag-IBIG.
Gidasig ang tanang Piñanons ug mga miyembro sa HDMF-Pag-IBIG nga pahimuslan ang maong serbisyo nga nagtumong sa paghatag og paspas, sayon ug mas duol nga serbisyo sa katawhan.(JENIFFER JR. DELICA)
Source: Mayor Rommel Gudmalin