Gidala sa Liloy Integrated Health District Hospital ang usa ka lalaki nga giingong naka-inom og alkohol human kini maangol duol sa Liloy National High School sa Barangay Fatima, Liloy, Zamboanga del Norte niadtong Hulyo 4.
Mitubag dayon sa emerhensiya ang Shift A EMS personnel sa Liloy Municipal Fire Station ubos sa pagpanguna ni FINSP Dave C. Dela Cruz, Acting Municipal Fire Marshal, aron tabangan ang maong pasyente.
Pag-abot sa lugar, nakaplagan sa mga responder nga adunay panimuot ug nakalingkod sa daplin sa dalan ang lalaki. Nahatagan na kini og unang tabang sa MDRRMO rescuers sa wala pa miabot ang BFP EMS team. Nakit-an usab nga adunay mga gagmayng pangos sa nawong, kamot ug mga bitiis, ug giingong nakainom og alkohol base sa baho sa iyang ginhawa.
Human sa pagkuha sa iyang vital signs, gipasakay ang pasyente sa ambulansya sa BFP ug luwas nga gidala sa Liloy Integrated Health District Hospital alang sa dugang eksaminasyon ug pagtambal.(JENIFFER JR. DELICA)
Source: BFP R9 Liloy Fire Station