Nasunog ang lima ka balay nga hinimo sa light materials sa Purok Sta. Cruz, Barangay Baybay sa lungsod sa Liloy, Zamboanga del Norte, sumala sa report sa Liloy Local Disaster Risk Reduction and Management Office ug sa Bureau of Fire Protection sa maong lungsod.
Dali nga mitubag ang Liloy Emergency Response Unit aron motabang sa operasyon sa pagpalong sa sunog, samtang gipahimutang usab ang Emergency Medical Services team aron maghatag og medical standby kung adunay masamdan atol sa insidente.
Gimando usab ni Roberto L. Uy Jr. ang Municipal Social Welfare and Development Office ug LDRRMO nga motabang dayon sa mga pamilyang naapektuhan pinaagi sa paghatag og inisyal nga relief assistance alang sa ilang dinaliang panginahanglan.
Padayon usab nga nagpahinumdom ang LDRRMO sa publiko nga magbantay ug mosunod sa hustong fire safety practices aron malikayan ang susamang insidente sa komunidad.(JENIFFER JR. DELICA)
Source: LDRRMO Liloy