Gipresentar ni Rosemarie S. Salazar, Regional Director sa Department of Science and Technology – Region IX, ang mga nag-unang programa ug serbisyo sa ahensya atol sa 1st Quarter Council Meeting sa League of Municipalities of the Philippines – Zamboanga del Norte Chapter nga gihimo sa Zamboanga del Norte Convention and Exhibition Center sa Dipolog City.
Gipasiugda sa presentasyon ang mga plano ug inisyatibo sa DOST-IX nga mahimong mapahimuslan sa mga local government units ug lokal nga kauban aron mapalambo ang inobasyon ug mapalig-on ang community development sa probinsya.
Sumala sa ahensya, tumong sa maong presentasyon nga ipaila sa mga municipal leaders ang mga science ug technology–based nga solusyon nga makatabang sa pagsulbad sa lokal nga mga hagit ug sa pagpalambo sa kalamboan sa Zamboanga del Norte.
Nahitabo usab ang kalihokan aron mapalig-on ang kolaborasyon tali sa mga ahensya sa gobyerno ug mga lider sa munisipyo alang sa mas lig-on nga partnership nga mosuporta sa sustainable development sa probinsya.(JENIFFER JR. DELICA)
Source: DOST Regional Office Region No. IX