Milampos pag-usab ang Municipality of Liloy human makadaog og daghang pasidungog sa DICT 2025 Gawad Paglulunsad, Pagpupugay, at Pasasalamat nga gipahigayon niadtong nilabay nga adlaw sa Garden Orchid Hotel sa Zamboanga City.
Gidawat ang mga awards alang sa munisipyo ni Ms. Mae T. Molina, staff sa Mayor’s Office ug Liloy Digital Transformation Center Manager, kauban ang usa ka personnel sa Business Permits and Licensing Office. Lakip sa mga pasidungog mao ang Top 1 Partner-Owned Outstanding Digital Transformation Center para sa Liloy Digital Transformation Center, Outstanding Center Manager Award alang kang Molina, eLGU Trailblazer Award, Recognition for eLGU BPLS Utilization, ug Gawad Pasasalamat.
Ang kalampusan gihulagway sa liderato ni Mayor Roberto L. Uy Jr., nga nagpadayon sa pagpalig-on sa digital transformation ug episyenteng serbisyo publiko sa Liloy, uban sa suporta sa DICT Region IX ug BASULTA.(JENIFFER JR. DELICA)
Source/Photo Courtesy: Municipality of Liloy