Mipahigayon og Holy Mass ang Siocon District Jail niadtong Disyembre 12, 2025, ubos sa pagpanguna ni Acting Jail Warden Jail Senior Inspector Achmed Aziz A. Pia, sa basketball court sa prisohan.
Ang misa gipangunahan ni Rev. Father Alberto A. Montemayor Jr. sa Diocesan Prison Ministry sa Baliguian, kauban ang 60 ka miyembro sa maong ministry, ug gitambongan sa 40 ka persons deprived of liberty, nga naghimo sa kalihokan nga malinaw ug puno sa paghinumdom sa espiritu sa Pasko.
Human sa misa, mipadayag og Christmas serenade ang prison ministries gikan sa Siocon, Baliguian, ug Sirawai, samtang gipanghatag usab ang mga regalo sa tanang 153 ka persons deprived of liberty, isip bahin sa pagpaambit sa kalipay ug pagkamanggihatagon sa panahon sa Kapaskuhan.(JENIFFER JR. DELICA)
Source/Photo Courtesy: Siocon District Jail