Gipakita pag-usab sa Liloy Municipal Police Station (MPS) ang ilang dedikasyon ug pagkamatinud-anon sa pagserbisyo human sila gihatagan og pasidungog isip Best Municipal Police Station – Class B Category atol sa ZNPPO Traditional Monday Flag Raising Ceremony niadtong Agosto 10, 2026, nga gipahigayon sa Camp Lt. Deogracias G. Hamac, Sicayab, Dipolog City.
Ang maong pag-ila, ubos sa pagpangulo ni PCOL Reydante E. Ariza, Provincial Director, usa ka pagpamatuod sa kakugi, disiplina, propesyonalismo, ug matinud-anong pag-alagad sa mga personnel sa Liloy MPS ngadto sa katawhan.
Nagpakita ang maong award sa makanunayon nga paningkamot sa Liloy MPS sa paglikay ug pagsumpo sa krimen, pagpalig-on sa pakigtambayayong sa komunidad, ug pagpanalipod sa mga sektor nga nanginahanglan og dugang nga pagtagad ug proteksyon.
Kini nga kalampusan nahiuyon sa ilang pagbarog sa prinsipyo: “Bagong PNP para sa Bagong Pilipinas: Serbisyong Mabilis, Tapat at Nararamdaman.”(IKEN B. GULLEM)
Source: PNP Liloy Municipal Police Station ZNPPO