Malampusong gielect si Hon. Glenn L. Omaña, konsehal sa Manukan, Zamboanga del Norte, walay kontra, isip bag-ong Regional Chairman/President sa Philippine Councilors League (PCL) sa Zamboanga Peninsula (Region IX), nga nagtimaan sa pagsalig ug pagkahiusa sa mga konsehal sa rehiyon alang sa mas epektibo nga serbisyo ug kolaborasyon sa komunidad.
Ang eleksyon ug oath-taking gipahigayon kaniadtong Nobyembre 20 sa Limketkai Luxe Hotel sa Cagayan de Oro City. Ang PCL mao ang opisyal nga organisasyon sa tanan nga lokal nga konsehal sa Pilipinas, nga nagpalig-on sa pagkahiusa, kolaborasyon, ug epektibong pamalaod sa grassroots level. Ang eleksyon ni Omaña nagtimaan sa una nga higayon nga usa ka konsehal gikan sa Zamboanga del Norte nakapahimutang sa regional leadership sa PCL, usa ka pasalig sa iyang liderato ug kredibilidad sa mga kaubang konsehal.
Gipadayag sa grupo nga ONE-ZAMPEN, nga nagpalig-on sa solidarity sa mga konsehal, nga ang kalampusan ni Omaña usa ka milestone sa regional unity.
“This victory is not just mine, but a testament to the unity and trust among councilors in our region,” matod ni Omaña.
Gilauman nga ilawom sa iyang liderato, mapalig-on ang inter-municipal cooperation, mapadali ang program implementation, ug mapalambo ang serbisyo sa mga komunidad sa Zamboanga Peninsula. Ang iyang pagkapangulo nagtimaan sa usa ka positibo nga lakang alang sa mas lig-on ug kolaboratibong serbisyo sa lokal nga pamalaod.(IKEN B. GULLEM)
Source: Zamboanga del Norte Provincial News Network