Personal nga gi bisita ni Provincial Administrator Atty. Dug Christoper Mah ang Liloy Integrated Health District Hospital, sa lungsod sa Liloy ning lalawigan.
Si Dr. Noel Herrera Jr., Chief of Hospital, mapasalamaton pag-ayo sa kagamhanang probinsyal pinaagi ni Atty. Mah nga bisan sa kadaghan sa buluhaton niini, iya gayud nga gigahinan sa iyang panahon nga mabisitahan ang tambalanan bisan paman sa kalayo sa lugar.
Tumong sa kapitolyo nga masuta ang sitwasyon sa Liloy Integrated Health District Hospital kon unsa ang mga panginahanglanon ug angay buhaton aron mahatagan sa mga kagamitan aron mapalambo ang nasangpit nga tambalanan.
Samtang, si Provincial Administrator Atty. Mah mibutyag nga dako ang plano sa kagamhanang probinsyal sa liderato ni Nanay Nene nga mapalambo ang maong tambalanan.
Ngani, ang Liloy Integrated Health District Hospital plano sa administrasyong Jalosjos nga usa sa mga tambalanan nga kompletuhon ang pasilidad ug mga doctors aron si kinsa kadtong mga pasyente nga haduol sa maong tambalanan dili na mahidangat sa mga hospitals sa Dipolog nga halayo pa biyahion.
(Source: Provincial Information Center Zanorte Facebook page)