Davao Oriental – Sikop ang usa ka lalaki ug duha ka indibidwal human gikasa sa PDEA Davao Oriental ug PRO XI kinsa gituohang namaligya ug shabu.
Giila sa kapulisan ang suspek nga si Danilo Lumapas Jr, 39 anyos, residente sa Lot 9, Block 9, Purok 1 Malipayon, NHA, Barangay Dahican, Mati City, Davao Oriental.
Sumala sa report, nakuha sa suspek ang usa ka sachet nga adunay sulod sa gituohang shabu ug nagkantidad kini 500 pesos samtang naabtan usab sa PDEA XI ang laing duha pa nga silas Francis Vincent Owano ug Mark Wilson Pregunta nga nag-shabu session hinungdan nga gipang-aresto sab kini.
Dugang niini, laing duha pa ka mga sachets nga naay sulod sa gituohang shabu ang nasignit sa mga otoridad nga tanan mokantidad sa 40,800 pesos subay sa Dangerous Drugs Board value. (Camille Santos Naraga)
(Source: PDEA XI)