Nitubag dayon ang Gutalac Municipal Fire Station sa usa ka aksidente sa kadalanan sa Barangay Cocob, Gutalac, Zamboanga del Norte, ubos sa pagpanguna ni FO3 Jerome R. Generoso.
Pag-abot sa responders, ilang nakaplagan ang duha ka pasyente nga naglingkod sa daplin sa dalan ug parehong conscious ug responsive. Ang unang pasyente adunay gidudahang bali sa wala nga bitiis, samtang ang ikaduhang pasyente adunay abrasion sa tuo nga bukton. Una nang naghimo og assessment ug naghatag og pre-hospital care ang MDRRMO Gutalac.
Gitabangan sa responding team ang duha ka pasyente sa pagsulod sa BFP ambulance ug gisiguro ang ilang kaluwasan ug kaharuhay atol sa pagbalhin.
Gidala ang duha ka pasyente ngadto sa Labason District Hospital alang sa dugang nga medical evaluation ug pagtambal, diin padayon silang gibantayan atol sa biyahe. Hapsay usab silang giturn-over ngadto sa attending medical staff uban sa ilang assessment findings, vital signs ug pre-hospital care nga nahatag.(JENIFFER JR. DELICA)
Source: BFP RIX Gutalac Fire Station