Nagdeploy og Emergency Medical Services ang Liloy Fire Station niadtong Mayo 23, 2026 atol sa Big Ben’s Coastal Run nga gihimo sa Brgy. Sta. Cruz, Liloy ubos sa direktiba ni Acting Municipal Fire Marshal FINSP Dave C. Dela Cruz.
Gitambongan sa ginatus ka runners ug fitness enthusiasts gikan sa nagkalain-laing bahin sa Zamboanga Peninsula ang maong kalihokan nga gi-organisa ni Mr. Benj V. Rutherford uban sa Hornbill Runners.
Gipahigayon sa coastal run ang 3K, 6K, 12K, ug 21K Half Marathon categories ubay sa baybayon nga nailhan isip “Little Siargao” nga nakadugang sa atraksyon ug kasadya sa maong sports event.
Nagpabilin usab nga alerto ang Liloy Fire Station sa paghatag og seguridad ug agarang emergency response aron masiguro ang kaluwasan sa publiko atol sa mga kalihokan ug sporting events sa komunidad.(JENIFFER JR. DELICA)
Source: BFP R9 Liloy Fire Station