Miduaw sa Local Government Unit sa Salug ang mga healthcare officials ug representatives aron palig-onon ang panagtinabangay sa paghatag og dekalidad nga serbisyo panglawas sa komunidad, diin mainitong gidawat sila ni Mayor Dr. Ruth M. Brillantes.
Lakip sa mitambong sa courtesy visit sila Dr. Noel C. Herrera Jr., Chief of Hospital; Francora L. Yanga, AO Designate; Marlyn L. Domio, Chief Nurse; Anthony A. Caban, Nursing Attendant I; ug Aubrey Rose P. Inbang, Job Order Office Aide.
Gihisgutan atol sa panagtigom ang padayong koordinasyon tali sa healthcare sector ug sa lokal nga panggamhanan aron mas mapalambo ang accessible, episyente, ug people-centered nga serbisyo publiko alang sa mga residente sa Salug.
Gipasiugda usab sa maong engagement ang lig-on nga commitment sa LGU ubos sa liderato ni Mayor Brillantes ug sa healthcare sector sa pag-atiman ug pagpalambo sa panglawas sa katawhan sa lungsod.(JENIFFER JR. DELICA)
Source: Municipality of SALUG