Nakadani og daghang dart enthusiasts ug manan-away ang National Dart Tournament nga gipahigayon sa Zamboanga del Norte Convention and Sports Center sa Brgy. Estaka, Dipolog City niadtong Mayo 23, 2026 isip kabahin sa selebrasyon sa 27th P’gsalabuk Festival.
Nagtagbo sa maong torneyo ang mga magdudula gikan sa nagkalain-laing lugar sa probinsya ug kasikbit nga mga lugar aron ipakita ang ilang talento, precision, ug sportsmanship sa usa ka mahigalaong kompetisyon.
Nahimong usa sa pinakaabtik nga kalihokan sa festival ang dart tournament tungod sa mainitong suporta sa mga manan-away ug partisipante nga nakadugang sa kasadya ug kadasig sa kasaulogan sa syudad.
Gipasiugda usab sa maong kalihokan ang padayong pagpalambo sa sports tourism ug recreational activities sa Dipolog nga naghatag og dugang panaghiusa ug kalingawan sa komunidad atol sa P’gsalabuk Festival.(JENIFFER JR. DELICA)
Source: Dipolog City Government