Dali nga mitubag ang Shift B EMS Duty Personnel sa Liloy Municipal Fire Station ubos sa pagpangulo ni FINSP Dave C. Dela Cruz, Acting Municipal Fire Marshal, sa usa ka emergency medical response sa Barangay Comunal.
Pag-abot sa lugar, ilang nakit-an ang pasyente nga naglingkod sa wheelchair daplin sa dalan, conscious ug responsive apan nagreklamo og grabeng sakit sa tiyan. Sa inisyal nga assessment, nasuta nga ang pasyente nakasinati og abdominal pain nga may kalabutan sa constipation sukad pa sa miaging adlaw.
Gilayon nga gitabangan sa mga responder ang pasyente pagsakay sa ambulansya samtang gipakalma ug giasikaso ang iyang kahimtang aron malikayan ang dugang komplikasyon.
Human sa inisyal nga pag-atiman, luwas nga gidala ang pasyente pinaagi sa BFP Ambulance ngadto sa Liloy Integrated Health District Hospital alang sa dugang medikal nga eksaminasyon ug hustong pagtambal.(JENIFFER JR. DELICA)
Source: BFP R9 Liloy Fire Station