Dali nga mitubag ang Local Disaster Risk Reduction and Management Office (LDRRMO) Tampilisan sa usa ka aksidente sa kadalanan nga nahitabo sa Barangay New Barili, Tampilisan, alas 7:30 sa gabii.
Nasamaran sa ulo ang usa ka 16-anyos nga pasyente nga lumad sa Barangay Batayan, Kalawit. Gilayon nga gihatagan siya og first aid sa mga responder aron mapugngan ang dugang komplikasyon samtang gisusi ang iyang kahimtang.
Human sa inisyal nga pag-atiman, luwas nga gidala ang pasyente ngadto sa Liloy Hospital alang sa dugang medikal nga pagtambal ug obserbasyon.
Samtang nagpadayon ang imbestigasyon sa insidente, nagpahinumdom ang mga otoridad sa tanang motorista nga mag-amping sa pagdrayb ug sundon ang mga lagda sa dalan aron malikayan ang susamang aksidente.(JENIFFER JR. DELICA)
Source: LDRRMO Tampilisan