DAPITAN CITY — Naglunsad og retrieval operation ang BFP Zamboanga del Norte Special Rescue Force uban sa nagkadaiyang ahensya human sa usa ka insidente sa pagkahulog sa pangpang sa Mt. Lab, Barangay Sto. Niño.
Sa inisyal nga report, nahulog ang biktima sa gilay-on nga dul-an 200 metros samtang nagkanaug sa mountain trail, hinungdan nga nanginahanglan og espesyal nga operasyon tungod sa lisod nga kahimtang sa lugar.
Gamit ang mechanical advantage system ug basket stretcher, malampuson nga nakuha sa mga responder ang lawas sa biktima uban sa kooperasyon sa Taguilon Fire Sub-Station, Dapitan City Fire Station, PNP, ug CDRRMO.
Gidala ang lawas pinaagi sa ambulansya sa CDRRMO alang sa hustong proseso, samtang gipadayag sa mga awtoridad ang ilang pakikiramay sa pamilya sa biktima ug nag-awhag sa publiko nga mag-amping ilabi na sa mga delikadong lugar.(JENNIFER JR. DELICA)
Source: BFP R9 Taguilon Fire Station