LILOY, ZAMBOANGA DEL NORTE — Gipahigayon sa Liloy District Jail ang drug testing, drug symposium, ug joint greyhound operation aron mapalig-on ang kampanya batok sa ilegal nga droga sulod sa pasilidad.
Gipunting sa kalihokan ang pagseguro nga drug-free ang palibot sa jail samtang gipalapdan ang kahibalo sa mga Persons Deprived of Liberty (PDLs) bahin sa daotang epekto sa ilegal nga droga.
Kabahin usab niini ang pagpatuman sa mas hugot nga seguridad ug disiplina pinaagi sa greyhound operation ug regular nga drug testing.
Pinaagi sa panagtambayayong sa mga ahensya sa gobyerno ug sektor sa panglawas, gipalig-on ang paningkamot sa pagmintinar sa kaluwasan, kahapsay, ug rehabilitasyon sulod sa pasilidad.(JENIFFER JR. DELICA)
Source: Liloy District Jail-BJMPR9